|
|||
Í Lundi er rekið sauðfjárbú með um 420 kindur og hefur búið verið meðal þeirra afurðahæstu á landinu undanfarin ár. Um það bil þriðjungur af okkar fé er kollótt ættað af Ströndum, en þessar kindur eru flestar hvítar. Hornóttu kindurnar eru ættar úr Öræfum en í þeim hópi er ýmsar lítir að finna, þar á meðal flekkótt, mögótt, botnótt og bildótt. Nokkrar ær af forustukyni eru líka í hópnum. Ljósgrár hornóttur gemlingur / Ljósgrátt lamb
Svart lamb / Grátt lamb
írauðu lambi
Írautt, kolótt lamb / Sama lamb um haustið Mórautt lamb / Sá sami ári seinna Bildótt ær /Augnbildótt á annað augað Grámórauð ær Svartbotnótt ær / Svartbotnótt lamb Mórbotnótt lamb / Mórbotnótt lamb að hausti Einhvern veginn blettótt lömb... / Annað þeirra að hausti
Vor Í byrjun maí hefst sauðburður hjá okkur.
Flestar fullorðnar ær eru tvílembdar, nokkuð er um að þær séu þrílembdar, en fjór- og fimmlembingar þekkjast líka. Um það bil helmingur gemlinga eru þó einlembdir. Hér fylgir myndasyrpa um hvernig burður gengur fyrir sér.
Fyrstu sólahringana dvelja lömbin inni í stíum sem hafa verið komnar upp í hlöðunni. Svo fara þau í stærri stíum þar sem þau geta leikið sér við önnur lömb. En fara svo fljótlega út í girðingu. Blesa nokkra vikna gömul / Blesa nokkrum árum seinna, annað lambið eins og amman á litinn |
Sumar Í Júní fer féð á fjall. Á meðan heimamenn eru að huga að heyskapnum eru þau að gæða sér að fjallagrösum, og eru vel yfir 40 kg þegar þau koma af fjalli um haustið. Haust Um haustið er svo smalað, og fara drjúgan tíma í því þar sem féð er dreift á mörgum dölum og fjörðum. Ekki er hægt að smala mikið á hesti á þessu svæði, en hundarnir koma að góðum notum.
Merkin okkar. Merkið til vinstri er notað í gemlingslömbum, í lömbum undan kollóttum ám og mislitum ám. Merkið til hægri er notað í lömbum undan hvítum hornóttum ám. Um 60 gemlingar eru settir á á hverju ári, og eru þeir ásamt nokkrum álitlegum hrútum látnar fara í afkvæmarannsókn og fá byggingadóm. Undanfarið hefur meðalvigt lamba verið rúmlega 18 kg, og þar sem frjósemin hefur verið tæplega tvö lömb á hverja á þýðir það að kjöt eftir hverja á er um 36 kg. Þetta er meðal bestu árangri sem næst hér á landi, og var Lundur verðlaunað sem besta sauðfjárbú austurlands árið 2005. Tölfræði. Vetur Kindurnar mega vera úti í heimahaga þangað til að tekur að vetra. Jólin er sögð vera hátíð hrútanna en þá hefst fengitíminn. Yfirleitt eru einhverjar ær líka sæddar með úrvalshrútum. I byrjun vetrar hafa kindurnar líka verið rúnar. Í febrúar eru rollurnar sónarskoðaðar til að athuga hvað þær munu eignast mörg lömb. Þetta ger vinnan auðveltari um sauðburð. Kindurnar fá að fara út af og til í góðu veðri um veturinn, og svo hefst sauðburð aftur í maí... Stundum fæðast þó lömb heldur fyrr, ef móðir þeirra hefur hitt hrút úti í haga um haustið. . Gemlingar úti að leika sér um veturinn
Nöfn Allar ær í Lundi eiga nöfn, en ekki eingöngu númer eins og tíðkast viða annar staðar nú orðið. Nöfnin eru af ýmsum toga, en algeng eru nöfn sem lýsa lit eða litareinkenni kindarinnar, eins og Botna, Blesa, Krúna og Leista. Önnur nöfn vitna óbeint í litinn, eins og Fönn, Snæbrá og Hvítá, eða í önnur útlitseinkenni en dæmi um það eru Úthyrna, Breið og Ljót. Sum nöfn lýsa því hvar kindin gengur um sumrin, eins og Slenja, Eskja og Hólma, en önnur eru til komin vegna atburða í lífi þeirra, til dæmis við burð, eins og Fóstra, Stjúpa og Fimma, eða í samband við smalamennsku, en dæmi um það eru Glíma, Þraut og Óvissa. Sum eru nefnd eftir skapgerð, eins og Gæf, Löt og Þæg. Eða þá geta þær fengið nöfn eftir eiganda sín eins og Geira og Agla, eða annarra manna sem hafa komið við sögu t.d. Sissa og Mæja. Venjuleg konunöfn eru líka notuð, t.d Begga, Bára, Katla og Fríða. Nokkuð er um að notað sé dýra og fuglanöfn, t.d. Mús, Rotta, Rækja, Svala, Dúfa, og Ugla, svo og plöntunöfn eins og Fífa, Sóley, Lilja, Fura, Planta og Rót. En sum nöfn virðast, allavega við fyrstu sýn, vera nokkurn veginn tekin úr lofti, til dæmis Tuska, Blaðra, Krús, Sneið, Súpa, Pera, Klessa... |
||
